Ermera, 25/05/ 2016, Alumni Parlamento Foinsa'e (APFTL) realiza aktividades "Sosializasaun konaba Media Sosial" iha Gleno, Ermera horsehik iha loron Kuarta Feira, 25 de Maio de 2016.
Sosializasaun ida ne'e nia objetivu atu bele fahe informasaun ba Joventude sira iha Ermera atu nune'e Foinsa'en sira bele hatene lolos oinsa uja Media Sosial hanesan Facebook, Whats app, line, imo no seluk - seluk tan. Sosializasaun ida ne'e realiza iha Eskola rua mak hanesan Eskola Secundaria Nino Konis Santana no Eskola Pre-Secundaria 10 de Abril no mos ihan Suco Talimoro ba Inan Aman sira.
Tuir Lizeiro hanesan Membro APFTL hateten bainhira hato'o nia diskursu katak; sosializasaun ida ne'e hala'o atu bele fahe informasaun klean ba Inan Aman sira liu - liu ba Foinsa'e sira hodi labele utiliza sala media Sosial hodi halo buat ne'ebe aat ne'ebe ikus mai sei fo impaktu ladiak ba ita nia moris, Lizeiro haktuir. Hanesan agora dadaun barak mak uja facebook, halo ID falsu hodi habosok ema seluk ( Feto ) no ikus mai akontese kazu abuzu sexual (Pemerkosaan), ida ne'e laos informasaun ne'ebe hau inventa maibe ne realidade ne'ebe akontese Nasaun Indonesia no mos Amerika, Lizeiro hatutan.
Iha sosialiasaun ne'e hetan partisipasaun maximu husi Estudante husi Eskola rua no mos Foinsa'e no Inan aman iha Suku Talimoro, alende fahe informasaun konaba Media Sosial fahe mos informasaun konaba Software ka Aplikasaun ne'ebe bele prevene Estudante no Foinsa'e sira uja internet hodi asesu ba Situs Pornografia nian, software hirak ne'e mak: Online Family Norton, K9 Web Protection no DNS Nawala. Software hirak ne'e bele instala iha Laptop ka Komputador hodi bele asegura estudante sira labele uja internet hodi asesu ba situs pornografia. Alende ba laptop ka komputador software ne'e mos bele instala iha Telefone sira hanesan Android.
Zaulino Gomes hanesan Presidente APFTL hatete; agradese tebes ba Diretor Eskola rua ne'ebe fo ona tempo uituan ba ami hodi bele fahe informasaun hirak ne'e ba ami nia maluk foinsa'e sira, tamba hanesan jerasaun foun ita persija rai an didiak hodi labele monu ka sai vitima ba teknolojia ne'ebe agora existi, Zaulino dehan antes atu ensera. Zaulino hatutan tan katak hau espera ba foinsa'e sira ne'eb mak ohin loron hetan ona informasaun hirak ne'e atu bele hatutan nafatin informasaun ne'e ba imi nia maluk foinsa'e sira seluk no mos inan aman sira iha uma atu nune'e ita hotu bele hatene uja lolos media sosial hodi bele asesu ba informasaun sira ne'eb mak positivo, Zaulino hakotu.
Tidak ada komentar:
Posting Komentar