Media Sosial: “Hadok ema ne’ebe besik no habesik ema ne’ebe dok”

Situasaun ida ne’e mak agora dadaun existi maka’as iha Timor Leste, husi labaraik kiik, joven no kaben nain mos agora dadaun uja Media Sosial (MEDSOS) hanesan: Facebook, Whats app, Twiter, BBM, Line, Imo, no seluk tan.

Media social sai favorite tebes iha mundo moderno no sai matadalan ba ema hotu – hotu hodi bele asesu ba informasaun iha rai laran no mos rai liur maibe media social mos sai hanesan moras / virus att ida ne’ebe agora dadaun domina hela ema hotu. Ita hare iha youtube akontese acidente barak iha Estrada publiko tamba deit focus liu ba telefone ne’ebe sira lori duke ba movimento kareta sira ne’ebe ba mai hela i bainhira atu hakat ba Estrada sorin akontese kareta mai soke, iha seluk tan mak tamba deit sibuk ho telefone hamriik haluha tiha oan iha sira nia tur fatin. Iha referensia balu mos fo sai katak fen ho laen soe malu (Divorsio) tamba deit media social nia impaktu. Situasaun hirak ne’e akontese iha Timor Leste maibe laos acidente trafiku maibe acidente ba mentalidade ema idak – idak. iha loron ruma imi kolega sira ba tok Timor Plaza hodi hare ema barak mak tur iha restaurante laran (Meja) idak – idak sibuk ho nia telefone no la sibuk ba malu to’o han hotu mos idak – idak sibuk telefone to’o fila ba uma, koko tok ba hare no observa.

Kompara ho situasaun uluk bainhira media social sedauk tren ka konesidu ema hotu konversa ba malu ho diak, ezemplu hanesan iha familia ida laran, kompostu husi Inan Aman, oan no tiu ho tia sira. Se karik iha uma laran ne’e laiha konversa ba malu diretamente maibe idak- idak sibuk ho telefone oinsa resolve problema ruma karik mosu problema iha uma laran? Perguntas: Saida mak ita halo hodi bele hamenus situasaun ka hahalok ida ne’e?

Atu fo hanoin deit ba ita hotu katak keta uja media social sai hanesan buat ne’ebe importante liu ita nia familia, keta tamba deit Media social ita sai haluha ema ne’ebe besik liu ita no fo importante liu ba ema ne’ebe dok. Iha mensajem ida ne’e hau mos hakarak konvida kolega sira buka filme Cartoon ho titulu WALL – E, filme ne’e sei lori ita atu bele hanoin katak media social laos buat hotu maibe persija konversa  no hatudu domin ba familia no kolega. Hakerek husi Charles Dao Jawa