Tinan ida ne'e Parlamento Foinsa'e Nian realiza fila fali Tomada De Posse ba Parlamento Foinsa'e ba Terceiro Legislatura Periodu 2016-2018 iha CCD, Dili loron 24 de agostu 2016. Tomada de Posse ne'e rasik hetan partisipasaun husi Presidente Parlamento Nacional Sr. Aderito Hugo hodi fo Tomada de Posse.
Alende ida ne'e mos SE Secretario Estado Joventude e Desporto hamutuk ho Diretor Geral SEJD no mos Diretores husi Diresaun Nasional SEJD, Presidente CNJTL no estrutura tomak husi Municipio no Postos sira mos partisipa iha Prosesu Tomada de Posse ne'e rasik. Iha fatin hanesan Inan Aman husi PFN terceira legislatura mos partisipa. Inan Aman sira mos orgulho tebes tamba bele hare diretamente sira nia oan hetan Tomada de Posse husi Sua Ex. Presidente Parlamento Nacional.
Durante ne'e ami rona deit no akompanha husi Televisaun no Radio konaba Parlamento Foinsa'e i mosu duvidas barak ba ami Inan aman sira konaba Parlamento Foinsa'e ne'e mak saida los? Maibe ohin loron ami rasik hare no akompanha rasik i hatene lolos saida mak Parlamento Foinsa'e ne'e, ami orgulho tebes tamba ami nia oan sira bele hetan oportunidade diak ida ne'e hodi bele sai Membru Parlamento Foinsa'e atu bele hanorin no muda mentalidade sira nian atu bele sai Foinsa'e ida ne'ebe forte, brani no matenek, dehan Representante Inan Aman.
Hanesan Membru Parlamento Foinsa'e ba Segundu Legislatura nian, ohin loron ami sente triste no haksolok. Triste tamba ohin loron ami nia mandato remata hanesan Membru Parlamento Foinsa'e no oficialamente tama ona ba Alumni Parlamento Foinsa'e (APFTL), ami mos haksolok tamba ami bele hetan oportunidade osan mean ida hodi bele hola parte ka sai membru PFN nian i ami nia lia menon ba Alin PFN terceira legislatura katak keta baruk atu aprende no buka hatene saida mak sedauk hatene tamba oportunidade la mai dalarua ho ida ne'e uja oportunidade diak ida ne'e hodi aumenta tan imi nia kapasidade tamba Parlamento Foinsa'e mak fatin ida atu aprende pratika Demokrasia. Cidadania atu iha futuru bele sai foinsa'e ida ne'ebe diak hodi fo kontribuisaun ba prosesu dezenvolvementu Nasaun Timor Leste, dehan Ursula iha nia intervensaun.
Iha tempo hanesan Presidente Parlamento Nacional hatete: aprecia no congratula ba serbisu koletivu, ida ne'ebe koordena ho diak no profeiosnal tamba ne'e dala ida tan Governo fo apresiasaun ba Ekipa hotu - hotu ne'ebe esforsu an serbisu hodi prepara foinsa'e sira ba futuru no dezenvolvementu Nasaun Timor Leste.
SE SEJD mos fo aprecia ba Ekipa Serbisu husi Koordenador Konselhu Municipio no Posto ne'ebe durante ne'e fo sira nia an hodi serbisu maka'as iha iha baze no mos ba Ekipa sira hotu hodi ikus mai hetan representante nain rua husi kada Posto Administrativo iha Timor laran tomak. Hahu husi PFN primeira legislatura to'o terceira legislatura hetan difikuldade barak hahu husi uluk hau rasik sei hanesan Presidente CNJTL ne'ebe resulta kolega balun hetan dejastre mais ho fuan bo'ot nafatin serbisu hodi bele hetan resultadu ne'ebe diak no susesu.
iha fatin hanesan Presidente CNJTL, Sra. Maria Dadi Soares Magno hatete, orgulho tebes ho Membrus Parlamento Foinsa'e sira husi Primeira Legislatura to segundu legislatura tamba sira hotu hatudu ona sira nia matenek no kapasidade hanesan foinsa'e ida ne'ebe diak no matenek hodi kontribui ba prosesu dezenvolvementu. Aprecia bo'ot ba serbisu hotu-hotu espera katak iha futuru oin mai bele hamosu tan Foinsa'e seluk ne'ebe bele fo nia kontribuisaun ba prosesu dezenvolvementu Nasaun ida ne'e nian, Viva........Joventude Timor Leste.................Viva...........Parlamento Foinsa'e..........hodi taka nia intervensaun.
Tidak ada komentar:
Posting Komentar