Administrador Municipio Covalima: Halibur fila fali intelektual Covalima halo sorumutu hodi Koalia konaba preparasaun atu simu Delegasaun de Kompetensia husi Governo Central

Dili, Orsehik iha loron Kuarta, 05 de Outubro 2016 Administrador Municipio Covalima Sr. Jose Pina halibur fila fali intelektual no matenek nain husi Municipio Covalima hodi halo sorumutu konaba preparasaun simu Delegasaun de Kompetensia husi Governo Central ne’ebe sei akontese iha dia 17 de Outubro 2016 iha Uma Biti Bo’ot SEJD.

Administrador Municipio Covalima hateten durante ne’e hau sempre atende aktividades no enkontro iha Dili maibe la konsege atu hasoru ho imi hotu sira mak iha Dili i ohin loron mak konsege hasoru ita bo’ot sira hodi halo sorumutu ida ne’e, no sorumutu ohin loron foin mak hahu no sei iha kontinuasaun para hodi diskute no fo hanoin konaba preparasaun sira. Tamba ita hotu hatene katak Covalima iha poternsia no iha rikusoin barak maibe Covalima oan barak mak nafatin moris lao iha fatin deit. Ita mos hare katak projetu bo’ot barak mak agora dadaun lao iha iha Covalima mak halo ema barak duvida tamba ita rasik laiha asesu ba informasaun hirak ne’e, husi projetu bo’ot sira ne’e mos hamosu problema no konflito oin – oin hanesan projetu Auto Estrada ne’ebe hamosu problema ema hadau malu rai.

Iha fulan Outubro nia laran hau tenke halo sorumutu ho ita bo’ot sira tamba sei realiza iha teritorio tomak liu –liu iha Covalima hetan oportunidade husi Governo Central ne’ebe sei fo Komptensia ba Covalima hodi bele realiza festa demokrasia Elisaun Xefe do Suco. Se iha evento rua ne’e mak ita Covalima falha mak Governo Central sei nota katak ita Covalima sedauk prepara diak no sedauk prontu, Administrador deklara.

Iha fatin hanesan Padre Francisco hanesan Koordenador KCOD iha Dili hatete agradese tebes ohin loron Administrador bele halibur fila fali intelektual Covalima oan sira ne’ebe mak agora dadaun iha Dili, durante ne’e KCOD halo ona sorumutu barak no diskute konaba saida deit mak akontese iha Covalima maibe agora dadaun ami la apar ho situasaun sira ne’ebe mak agora dadaun akontese iha Covalima, i ohin loron ami bele hatene uituan ona situasaun sira iha Covalima ne’ebe Administrador relata ona maibe ami persija hatene oinsa konaba regras sira, faze sira to’o iha ne’ebe ona no estrategia saida mak prepara ona hodi hala’o plano ne’ebe Governo Central sei fo, tamba ne’e hanesan responsavel maksimu iha Covalima ami persija tebes atu Ita Bo’ot bele fo sai ba ami hodi bele apar.

Hafoin ida ne’e halo mos diskusaun hodi rona ideas no hanoin sira husi intelektual sira ne’ebe mak partisipa hodi bele tau hamutuk hanoin sira konaba matadalan no plano estrategia sira. Tristeza ida mak ohin loron la hetan partisipasaun maksimu husi Covalima oan iha Dili laran, sujere iha enkontro tuir mai bele konvida fali Covalima oan hotu – hotu ne’ebe iha Dili laran tanto Estudante sira para hodi bele partisipa no rona diretamente informasaun konaba evento bo’ot ne’ebe sei akontese iha Municipio Covalima hodi nune’e jerasaun foun sira mos bele hatene tuir prosesu no dezenvolvimentu ne’ebe akontese iha ita nia municipio rasik selae aban bairua Covalima oan bele sai fali penonton tamba rikusoin sira ne’ebe Covalima iha ne’e Covalima nian no Covalima nain mak sei uja maibe importante mak ita rasik tenke esforsu no serbisu maka’as hodi fo kontribuisaun para iha futuru Municipio Covalima bele iha mudansa. 

(Charles Dao Jawa)