Kontinuasaun joga MCIA Cup iha loron Sabado, 01 de Outubro
2016, Ekipa SEJD halakon Ekipa MPIE ho Skor 6 – 0 iha Kampo Demokrasia Dili.
Ho manan ida ne’e SEJD kontinua hakat ba fase Semifinal hodi
kontra fila fali Ekipa husi Obras Publikas nian, prestasaun Ekipa SEJD hahu
inicio no to’o agora tama ba Semifinal diak tebes no sedauk lakon dala ida. Iha
tinan kotuk Ekipa SEJD konsege tama final hodi kontra Ekipa husi Timor GAB
nian, iha joga ne’e Ekipa SEJD lakon iha Suta Penalti no hetan Segundu lugar. Tamba
ne’e iha tinan ida ne’e Ekipa SEJD hakarak atu bele hakat tan to’o iha fase
final.
Iha primeiro joga Ekipa SEJD hetan presaun maka’as husi MPIE
hodi halo defeza ekipa SEJD tenke esforsu hodi bele salva no halo ataka ba striker
husi MPIE nian, ekipa SEJD rasik mos koko halo amiasa balun ba guarda rede MPIE
nian maibe la konsege hetan golu. Golu SEJD nian akontese iha minutu 27 husi
Striker Ajuvi ne’ebe hetan bola passa husi Gaspar. Liu minutu 5 akontese golu
ida ne’ebe mai husi Jogador Gaspar ne’ebe aproveita failansu husi defeza MPIE
nian ne’ebe la konsege ataka Gaspar. Hafoin ida ne’e Jogador defeza Charles mos
hatama golu hodi muda Skor sai 3 – 0, aproveita bola kanto ne’ebe passa husi
Mr. Kim ba Gaspar hafoin kruza no kabesa
husi Charles maibe Guarda rede konsege salva no bola muta sai, aproveita bola
muta ne’e mak akontese tan golu. Skor 3 – 0 nafatin to’o primeira jogu remata.
Iha joga Segundu akontese tan golu 3 ne’ebe raut husi Gaspar
iha minutu 57, 68 no minutu 70, ho skor ida ne’e mak SEJD hakat tan ba faze
semifinal hodi kontra ekipa Obras Publikas.
Husu konaba preparasaun treino durante ne’e, ladun hetan
partisipasaun maksimu ho razaun serbisu barak, dalaruma iha ema nain 5 to’o 6
deit mak treino, hateten Ajuvi hanesan Capitaun da Ekipa SEJD nian, maske nune’e
ami nafatin esforsu treino hodi bele hetan resultado ne’ebe diak iha joga tuir
mai. Hatan konaba joga kontra Ekipa Obras Publikas tuir mai ne’e ajuvi hatete
katak iha faze primeiro ami joga kontra ona obras no ami konsege manan sira ho
skor 3 – 0 no agora ami hasoru malu fila fali hodi desidi se mak sei hakat ba
faze tuir mai ne’e. Ami iha hanoin katak konserteza ekipa obras hakarak manan
fali ami ( Balas Dendam ) tamba faze primeiro ami konsege halakon sira, maibe
to’o iha joga mak sei deisidi lolos katak ekipa ida ne’ebe forte no hetan golu
to’o jogu remata mak sei manan tamba ne’e ami mos lakoi atu lakon iha dalan
klaran deit tamba SEJD iha mehi atu bele to’o iha Faze final, Ajuvi hatutan.
Tidak ada komentar:
Posting Komentar