Foinsa’e no estudante ne’ebe
involve an iha RTTL fanz Club halo visita ba orfonato iha bidau hodi celebra Valentine
Day hamutuk ho Oan Kiak sira.
RTTL fanz club Timor Leste hamrik
ho objetivo atu habelun malu entre foinsa’e, estudante no mos komunidade hotu
iha Municipio 13 liu husi anin Radio Timor Leste hodi kria amizade no paz ba
ema hotu.
Objetivo husi aktividades ida
ne’e alende hodi selebra loron valentine day ka loron domin no mos hodi
komemora Loron Mundial ba Radio nian ne’ebe monu iha loron 13 de fevereiro,
aktividades ida ne’e mos fo hanoin ba ita hotu katak Loron Domin ne’e laos deit
fahe domin ba ema ne’ebe especial maibe mos ba ema hotu tamba ne’e mak ami tau
hanoin hamutuk hodi realiza programa ida ne’e hodi halo animasaun hamutuk ho
oan kiak sira no fo mos ajudasaun kiik liu husi material balun, Xefe Komisaun
Haktuir.
Iha aktividades balun ne’ebe mak
ami realiza ona hanesan halo jogu amizade ho joventude iha Liquisa, aktividades
jumpa fanz RTTL ba fanz sira iha 13 Municipio ne’ebe hetan suporta husi RTTL
rasik no partisipa iha Cresendo, aktividades hirak ne’e hetan suporta husi fanz
RTTL sira mak iha Dili laran no mos fanz sira ne’ebe mak iha Municipio sira maske
sira la partisipa, Badwolf hatutan.
Antes realiza aktividades ida
ne’e, fanz sira hotu halo sorumutu kiik ida kada semana hodi tau hanoin hamutuk
no ideas no meius hodi hetan orsamento mak liu husi tau hamutuk osan $5.00
maibe hatun ba $3.00 tuir kapasidade ne’ebe iha no ikus mai hetan total
orsamento $170.00, liu husi osan ida ne’e mak sei uja lori sosa material balun
mak sei lori visita orfonato mak hanesan: Fos, Mina, Rinso, shampoo, Sabaun,
Kaderno no Lapizeira, Supermi. Alende husi osan hirak ne’e hetan mos ajuda husi
Grupo MJHS (Mauseko Jantung Hati Sempre) ho material balun hanesan Fos, Supermi
no mos Mina.
Tuir representante RTTL Fanz ho
Naran udara Badwolf bainhira dada lia katak: iniciativa ida ne’e mosu husi ami
lubuk ida nia ideas ne’ebe atrativo no kreativo bainhira halo enkontro kiik,
ami hotu fo hanoin ba malu katak saida mak ami sei halo hodi celebra Loron
Domin nian (Valentine Day) no ikus mai mosu hanoin ida ne’ebe furak mak Visita
Orfonato. Maibe ami hasoru failansu barak mak hanesan orsamento tamba ita hare
bainhira akompanha iha Radio ita rona Fanz barak mak mosu iha neba maibe na
realidade iha deit balun mak ativo deit razaun fanz barak mak iha Municipio,
failansu hirak ne’e la empata netik ami nia iniciativo ho nune’e ami desidi atu
konvida fanz sira ne’ebe mak iha Dili laran deit maibe la taka mos ba fanz husi
Distrito sira atu partisipa hodi bele realiza programa ida ne’e, Badwolf
hatutan.
Ami agradese tebes ohin loron ami
bele realizza ami nia iniciativo ida ne’e ho susesu tamba ami bele fahe domin
ba Oan Kiak sira ne’ebe durante ne’e la sente ka la hetan ona domin husi sira
nia Inan Aman rasik, maske kiik maibe ami espera bele haksolok sira no bele fo
motivasaun ba Oan Kiak sira hodi forsa nafatin hasoru realidade moris ne’ebe mak
todan tebes, ikus liu ami hato’o agradese bo’ot ba Madre sira ne’ebe fo ona
oportunidade ba ami hodi bele hamaluk ami nia alin sira, kanta hamutuk, dansa
hamutuk, no dada lia ho sira hodi hatene saida mak sira sente durante sira
hamutuk iha Orfonato ne’e, Badwolf hakotu.
Hakerek Husi Charles Dao Jawa
Milano
Tidak ada komentar:
Posting Komentar